بالبرفيوم والبيجامة الجديدة.. كيف تواجه سمية الخشاب الوحدة في عيد الحب 2023؟ (فيديو)

أثارت الفنانة سمية الخشاب الجدل على مواقع التواصل الاجتماعي بعد الحديث عن رأيها بعيد الحب، وذلك في مداخلة هاتفية لها مع برنامج «الستات» الذي تقدّمه الإعلامية سهير جودة، المذاع على فضائية النهار.

وتحدثت الفنانة سمية الخشاب عن عيد الحب، مؤكدةً أنها شخصية عقلانية رومانسية وعقلها يتدخّل في الوقت المناسب.

وقالت: «أنا عقلانية رومانسية وعقلي بيشتغل في الوقت المناسب، ولما أحس إن عقلي لازم يتدخّل بخلّيه يتدخّل وبصدّقه وبضرب له تعظيم سلام، والحمد لله عقلي تدخّل كتير علشان كده أنا لسّه باقية على قيد الحياة، وده بعد النضج والخبرات لأني ما كنتش كده».

وأشارت الخشاب إلى أن الحب لا يقتصر على الرجل والمرأة فقط، موضحةً: «الحب مش حب للراجل والست فقط، ولكن تحبّي نفسك وتمتنّي لكل حاجة حلوة في حياتك وتشكري ربنا طول الوقت، ومش لازم نعلّق سعادتنا وفرحتنا على حد في حياتنا، ولكن تقدري تسعدي نفسك وتمتنّي ليها، ده اللي بقول له لكل الناس لأن مفيش حاجة اسمها وحدة».

وتابعت: «ولو هجيب هدية لنفسي هتبقى بيجامة عشان الجو البرد، أو برفيوم، أو أي حاجة نقصاني هتخليني فرحانة ومبسوطة، إيه المشكلة يعني؟ الحياة بسيطة أوي، متوقّفوش سعادتكم على حد، حبي نفسك وهادي نفسك، وانبسطي».

كما وجهت سمية نصيحة للسيدات قائلة: «ما توقّفوش سعادتكم على حد، حبي نفسك وادلعي وانبسطي، لما تعرفي بإن ورد جوزك مش هيفيد بحاجة، لو عاوز يعمل حاجة هيعملها، ليه بتشغلي نفسك الحب مش بيجي كده، أنتِ كده بتضيعي طاقتك وتتعسي نفسك ويجي لك سكر وضغط وتتخني، اتفرجي على فيلم جميل اعملي ماسك اهتمي بجمالك وحالتك النفسية، واخرجي ما تستنيش واحدة صاحبتك واشتري حاجات واخترعي حاجات تبسط، اعملي طبخة حلوة، أنا بحب نفسي وادلّعها وممتنة لربنا، وبعمل ماسكات، وبلعب مع قطتي».

آخر أعمال سمية الخشاب

يذكر أن آخر أعمال سمية الخشاب هو مسلسل «موسى» بطولة الفنان محمد رمضان، والذي عرض في الموسم الرمضاني 2021 وعبير صبري، ورياض الخولى، وسيد رجب، وحمدي وزير، وأمير صلاح الدين، وغيرهم من الفنانين، تأليف ناصر عبد الرحمن، وإخراج محمد سلامة.